بسم الله الرحمن الرحيم
تهنئه الى
صاحب السمو الملكي
الملك / عــبـــد الــلــه بن عــبـــد الـــعــزيـــز ال ســـعـــود(حفظه الله ورعاه)
والاسره الحاكمه الكريمه
والشعب السعودي الكريم
بعودة ملك الإنسانية
الملك / عبد الله بن عبد العزيز ال سعود (حفظه الله ورعاه)
من فتره علاجه إلى عودته الينآ
والحمد لله على سلامه ابو متعب
ومايشوف شر
ونهني الاسره الحاكمه
والشعب السعودي
ودامت افراح الخليج بمناسبه عودة الملك عبد الله بن عبد العزيز آل سعود
قصيده لملك الانسانيه
ورجوعه بالسلامه
سيد الجود
يوم القصايد بين حاوي ومردود
جتني تدافع والخطاوي سريعة
نظمت منها عقود وعقود وعقود
واودعتها اللي ما يضيع وديعة
ويا خادم البيتين يا سيد الجود
يا حاكم الدولة بحكم الشريعة
انت الفخر والمجد بيديك معقود
ولامرك جموع الناس جاتك مطيعة
ويا وافي المدة ذرى كل مضهود
يا شامخٍ فيك التواضع طبيعة
شمخت بأفعالك وخلق الله شهود
وحصنت دارك بالحضون المنيعة
وسيفك لنشر الحق والعدل مجرود
يبتر يدين أهل المكر والخديعة
وبذلت في لمّ الشمل كل مجهود
ومبادراتك دايم ن فالطليعة
ويا سيدي ولك الغلا ما له حدود
وحبك على روس المنابر نذيعه
وهذي قلوب الشعب تاقف لك حشود
وتبايعك بيعة مهي بأي بيعة
بيعة وفا ما بين سيد ومسيود
تجهر بها أصحاب النفوس الرفيعة
ودامك يا بومتعب على الأرض موجود
شعبك بخير وشوفتك هي ربيعة
ووقفتك سالم تروي كبود وكبود
وهي غاية الشعب السعودي جميعه
ويا الله يا رحمن يا خير معبود
يا باسط السبع الفجاج الوسيعة
تحفظ أبومتعب ذرى كل مضهود
اللي حكمنا بالعدل والشريعة
